بھارتی میڈیا رپورٹس کے مطابق مسٹر پرفیکٹ عامر خان نے حال ہی میں ایک انٹرویو میں اپنی تیسری شادی کے بارے میں بتایا۔
جب عامر خان سے ان کی ساتھی اداکارہ ریا چکروورتی نے اپنے لیے ان سے رائے مانگی کیا انہیں شادی کرنی چاہیے؟
عامرخان نے اس سوال کے جواب میں ازراہ مذاق کہا کہ میری پہلے ہی دو ناکام شادیاں ہو چکی ہیں ۔ اس لیے مجھ سے شادی کے بارے میں مشورہ نہ ہی لیں تو بہتر رہے گا۔
اس بارے میں انہوں نے مزید کہا کہ، میں تنہائی پسند نہیں ہوں۔ مجھے اکیلے رہنا اچھا نہیں لگتا ہے، میں کسی نہ کسی کی صحبت میں رہنا پسند کرتا ہوں۔ یہی وجہ ہے کہ میں اپنی دونوں سابقہ بیویوں کے بہت نزدیک ہوں اور ہم اب بھی ایک خاندان کی طرح محسوس کرتے ہیں۔
عامرخان نے مزید کہا کہ، زندگی میں کچھ بھی توقع کی جا سکتی ہے۔ اس لیے ہم اس پر کیسے بھروسہ کر سکتے ہیں؟ اسی طرح شادی کامیاب بھی رہے گی یا نہیں یہ وثوق سے نہیں کہا جا سکتا ہے۔ یہ ہر شخص کے لیے الگ تجربہ ہو سکتا ہے۔
پہلی فلم کا معاوضہ 11 ہزار روپے لینے والے راجکمار راؤ اب کتنے پیسے لیتے ہیں؟
اداکارہ ریا چکرو ورتی نے ان سے پوچھا کہ کیا اب وہ تیسری شادی کا ارادہ رکھتے ہیں؟
عامرخان نے کہا کہ میں اب59 کا ہوچکا ہوں ۔ میں اب کہاں شادی کروں گا۔ مجھے ایسا مشکل ہی لگ رہا ہے۔ میں اپنے سے جڑے قریبی رشتوں کے ساتھ خوش رہنا چاہتا ہوں اور میں ایک اچھا اور بہترانسان بننے کی کوشش کررہا ہوں۔
