کراچی کے علاقے ڈیفنس فیز 5 بدر کمرشل کے قریب نجی ریسٹورنٹ سے ایک لاش ملی ہے۔
پولیس کے مطابق لاش ریسٹورنٹ کی چوتھی منزل سے ملی، جس کے جسم پر گولیوں کے نشان ہیں جبکہ لاش کی شناخت 42 سالہ دانش کے نام سے ہوئی ہے۔
پولیس سمیت دیگر قانون نافذ کرنے والے ادارے جائے وقوعہ پر پہنچ گئے۔
پولیس کا کہنا ہے کہ واردات کے مقام سے شواہد اکھٹے کیے جا رہے ہیں، مقتول دانش نجی ریسٹورنٹ کا کیشیئر تھا، مقتول کو ذوالفقار نامی دوسرے کیشیئر نے فائرنگ کرکے قتل کیا۔
پولیس نے مزید بتایا کہ ملزم نے مقتول پر اس وقت فائرنگ کی جب وہ سورہا تھا، ملزم نے 4 گولیاں ماریں اور موقع سے فرار ہوگیا۔
