صادق آباد کے مقام پر دریائے سندھ میں عملے کی لاپرواہی سے رسی کھولے رہ جانے سے کشتی اسپتال ڈوب گیا۔
تفصیلات کے مطابق کشتی کلینک گزشتہ رات سے لاپتا تھا، کلینک انڈس ہسپتال کے زیر اہتمام دریائے سندھ میں بھونگ سے مظفر گڑھ تک خدمات سرانجام دیتا تھا۔
ہزاروں افراد اس کشتی ہسپتال سے مستفید ہوتے تھے، کشتی ہسپتال گزشتہ رات عملہ کی لاپرواہی سے رسی کھل جانے پر دریا میں چلا گیا تھا۔
دریائے سندھ میں پانی کا بہاؤ تیز ہونے کے باعث گڈو بیراج کے گیٹ میں کشتی بوٹ پھنس کر مکمل تباہ ہوگیا۔
