سندھ بلڈنگ کنٹرول اتھارٹی کی جانب سے ضلع جنوبی میں واقع بلڈنگ کو خطرناک قرار دینے کا کیس ،عدالت نے ڈی جی سندھ بلڈنگ کنٹرول اتھارٹی کو بطور ڈی جی کام کرنے سے روک دیا۔
عدالت نے اپنے حکم میں کہا کہ 10 روز کے لیے ڈی جی ایس بی سی اے عبدالرشید سولنگی کے اختیارات معطل رہیں گے۔
عدالت نے ڈی جی ایس بی سی اے کو بلڈنگ کنٹرول اتھارٹی کے معاملات کی دیکھ بھال کے لیے اتھارٹی کی تشکیل کا حکم دیا تھا ،جب اتھارٹی ہی تشکیل نہیں دی گئی تو ڈی جی ایس بی سی اے کیا کریں گے۔
درخواست گزار کے وکیل کا کہناتھا کہ بلڈنگ کی ملکیت سے متعلق کیس سول کورٹ میں زیر التواء ہے ،جب تک ملکیت کا فیصلہ نہیں ہوجاتا ایس بی سی اے کو بلڈنگ گرانے سے روکا جائے۔
عدالت نے کیس کی مزید سماعت 29 اگست کے لیے ملتوی کردی ۔
