دبئی میں ایک امریکی سوشل میڈیا انفلوئنسر اور اس کے بھائی کو پولیس پر حملہ کرنے پر 3 ماہ کے لیے جیل بھیج دیا گیا۔

خلیج ٹائمز کی رپورٹ کے مطابق سابق ایئر فورس ممبر جوزف لوپیز اور باڈی بلڈنگ مقابلہ کرنے والے اور ان کے بھائی جوشوا کو دبئی پولیس افسران پر مبینہ طور پر حملہ آور ہونے، گرفتاری کے دوران تعاون نہ کرنے اور عوامی املاک کو نقصان پہنچانے کے الزام میں گرفتار کیا گیا۔ رپورٹ کے مطابق جوزف لوپیز اور جوشوا دونوں نشے کی حالت میں تھے۔

دبئی میں واٹس ایپ پر نوکری کا جھانسہ دینے کے واقعات میں اضافہ

دبئی میں اسکوٹی شہریوں کے لیے درد سر بن گئی

خبر رساں ادارے اے ایف پی کے مطابق سوشل میڈیا انفلوئنسر پر ایک ہزار 428 ڈالر ( پاکستانی تقریباً 40 ہزار) روپے جرمانہ عائد کیا گیا اور تین ماہ قید کی سزا سنائی گئی ہے۔ پولیس گاڑی کو نقصان پہنچانے کے جرم میں انہیں دبئی سے ڈی پورٹ کر دیا جائے گا۔

متحدہ عرب امارات کے حکام کی جانب سے ان کی گرفتاری کی مزید تفصیلات فراہم نہیں کی گئیں۔

24 سالہ جوزف لوپیز کے انسٹاگرام پر ایک لاکھ سے زائد فالوورز ہیں جنہیں ’مسٹر لوزیانا‘ کا خطاب دیا گیا ہے۔