کرک میں گیس کی عدم فراہمی کے خلاف نوشپہ آئیل فیلڈ کے قریبی عوام نے احتجاج کیا، مظاہرین نے او جی ڈی سی ایل نوشپہ پلانٹ کے مین گیٹ کے سامنے ٹینٹ لگا کر دھرنا دیدیا ہے ۔

مظاہرین کا کہنا ہے کہ گیس پلانٹ کے قریبی علاقوں کے عوام کو گیس میسر نہیں ہے جبکہ علاقے دیگر اضلاع کو گیس پہنچ رہی ہے۔

مظاہرین نے بتایا کہ جن دیہات کو گیس فراہم کی گئی تھی وہ بھی کاٹ دی گئی ہے، یا اگر کسی علاوے میں گیس کی فراہمی جاری بھی ہے تو وہاں پریشر نہ ہونے کے برابر ہے۔

مقامی افراد کے احتجاجی دھرنے کے باعث نوشپہ آئیل فیلڈ سے کروڈ آئیل کی سپلائی معطل ہوگئی ہے۔