سندھ کے سینئر وزیر شرجیل انعام میمن کی زیرصدارت محکمہ ایکسائزنارکوٹکس کنٹرول ونگ کا اجلاس ہوا ۔
اجلاس میں حکومت سندھ نے منشیات کی تیاری میں استعمال اشیاء کے خلاف آپریشن کا حکم دیدیا۔ شرجیل میمن نےمنشیات کی تیاری میں چیزوں کےخلاف کریک ڈاؤن کے احکامات بھی جاری کر دیئے۔
شرجیل میمن نے کہا کہ ان اشیاء کی دکانوں پرفروخت کا خاتمہ یقینی بنایا جائے، دکاندار منشیات میں استعمال ہونے چیزیں فروخت نہ کریں اور محکمہ ایکسائز کے ساتھ تعاون کریں ۔
سینئر وزیر نے واضح کیا کہ کسی بھی خانگی جگہ، گھر، ہوٹل یا ریسٹورنٹ پر منشیات کے فروخت کے اطلاع ملے گی تو کارروائی کی جائے گی، ایکسائز حکام منشیات کے فروخت کی اطلاع پر اعلیٰ قیادت کی منظوری کے بعد کسی بھی گھر، ریسٹورنٹ یا پارٹی وغیرہ پر چھاپہ مار سکتے ہیں۔
انہوں نے حکم دیا کہ منشیات کی روک تھام کے لیے ایمار، ملیر، درخشاں، ہاکس بے اور دیگر اسٹریٹجک پوائنٹس پر محکمہ ایکسائز کی چوکیاں قائم کی جائیں۔
کراچی: تعلیمی اداروں میں مشیات سپلائی کرنے والا گروہ گرفتار
اجلاس میں سیکریٹری ایکسائز محمد سلیم راجپوت نے آگہی دی کہ پولیس کی جانب سے ایکسائز کے 216 جوانوں کی ٹریننگ جاری ہے، 320 افسران نارکوٹکس کنٹرول ونگ کو دئے گئے ہیں۔
