اگر آپ پہلی بار امریکا گئے اور وہاں آپ کی نظر پیڑ پر موجود جامنی رنگ کے نشان پر پڑے تو بنا کچھ سوچے سمجھے وہاں سے بھاگ نکلیں۔
غیر ملکی میڈیا کے مطابق امریکا کی تقریباً دو درجن ریاستوں میں جنگل میں کسی درخت پر جامنی رنگ کا نشان نجی املاک کو ظاہر کرتا ہے، اور یہ اس بات پر بھی منحصر ہے کہ آپ امریکا کے کس حصے میں موجود ہیں۔
جس مقام پر جامنی رنگ آپ کو کسی شے یا درخت پر نظر آئے، اس زمین کے مالکان بھاری ہتھیاروں سے لیس ہوسکتے ہیں۔ جو اپنی نجی پراپرٹی پر آنے والے انجان شخص کو دیکھ کر ان پر حملہ کرسکتے ہیں۔
ڈیلی میل کے مطابق جامنی رنگ کے نشانات کا سائز اور ان کے درمیان فاصلہ تقریباً 8 انچ لمبا، ایک سے دو انچ چوڑا اور زمین سے تقریباً تین سے پانچ فٹ کے درمیان ہوتا ہے۔ درختوں کے قریب سے گزرنے والا کوئی بھی شخص اس نشان کو باآسانی دیکھ سکتا ہے۔
رپورٹ کے مطابق کچھ ریاستوں میں نارنجی، سرخ یا نیلے رنگ کا استعمال ہوتا ہے مگر فلوریڈا، ٹیکساس، الاباما اور جنوبی کیرولائنا سمیت دیگر ریاستوں میں جامنی رنگ کا استعمال کیا جاتا ہے۔
تقریباً 24 ریاستوں میں جامنی رنگ کے قوانین ہیں جو درختوں پر نشانات کے ذریعے پراپرٹی کی حدود کو ظاہر کرتے ہیں۔
