وسطی لندن کے سمرسیٹ ہاؤس میں ہفتے کو آگ بھڑک اٹھی۔ 100 سے زائد فائر فائٹرز نے آگ بجھانے کی کارروائی میں حصہ لیا۔ معروف آرٹ گیلری میں لگی ہوئی آگ بجھانے کے لیے 15 فائر انجن طلب کیے گئے تھے۔

سمرسیٹ ہاؤس کا شمار لندن کی ان آرٹ گیلریز میں ہوتا ہے جہاں برطانیہ کے طول و عرض کا ثقافتی ورثہ محفوظ ہے۔ فائر بریگیڈ ڈپارٹمنٹ نے بتایا کہ سمرسیٹ ہاؤس میں لگنے والی آگ بہت حد تک بجھادی گئی ہے۔

ذرائع نے بتایا کہ اس آرٹ گیلری میں رکھے ہوئے فن کے بہترین نمونے مکمل طور پر محفوظ رہے۔ عمارت کو بھی زیادہ نقصان نہیں پہنچا۔ آگ لگنے کا سبب معلوم نہیں ہوسکا۔