مٹیاری سے پیپلزپارٹی کے رکن قومی اسمبلی مخدوم جمیل الزماں نے کہا کہ اگر بشیر میمن کو گورنر سندھ بنایا گیا تو اس پر کوئی اعتراض نہیں ہے۔

مٹیاری میں میڈیا سے گفتگو میں مخدوم جمیل الزماں نے کہا کہ وفاقی حکومت سے سندھ کو فائدہ پہنچتا نظر نہیں آتا، گزشتہ روز وزیراعظم نے اقلیتی برادری کے ساتھ خصوصی دن منایا پر سندھ سے تو اقلیتی لوگ نقل مکانی کر رہے ہیں، اس لیے میں کہتا ہوں کہ وفاق سے سندھ کو کوئی فائدہ نہیں۔

انہوں نے کہا کہ مٹیاری کے منتخب نمائندوں سے کہا ہے کہ وہ رین ایمرجنسی کے دوران لوگوں کا خیال رکھیں۔

گورنر سندھ کی تبدیلی کا فیصلہ چند روز میں ہوجائے گا، اسحاق ڈار کی تصدیق

واضح رہے کہ ایک روز قبل نائب وزیراعظم اسحاق ڈار نے تصدیق کی تھی کہ گورنر سندھ کی تبدیلی کا فیصلہ چند روز میں ہوجائے گا۔ انہوں نے واضح کیا تھا کہ بشیر میمن کو گورنر سندھ نہیں لگایا جا رہا۔