مہنگائی کے ستائے عوام کے لیے خوشخبری ہے کہ پیٹرولیم مصنوعات کی قیمتوں میں 12 روپے فی لیٹر تک بڑی کمی کا امکان ہے، پیٹرول 9 روپے فی لٹر سستا ہونے کا امکان ہے۔
ذرائع کے مطابق پٹرولیم مصنوعات کی قیمتوں میں 12 روپے فی لٹر تک کمی کا امکان ظاہر کیا گیا ہے، اب تک کی ورکنگ کے مطابق پیٹرول ، ڈیزل اور مٹی کا تیل سستا ہونے کا امکان ہے۔
ذرائع کا کہنا ہے کہ پیٹرول کی قیمت میں 9 روپے فی لیٹرسے زائد کمی متوقع ہے جبکہ ڈیزل کی فی لیٹر قیمت میں ساڑھے 8 روپے تک کمی ہوسکتی ہے، اس کے علاوہ مٹی کے تیل میں 12 روپے سے زائد کمی کا امکان ہے۔
ذرائع کے مطابق پیٹرولیم مصنوعات کی قیمتوں سے متعلق حتمی سمری اوگرا 15 اگست کو بھیجے گی، وزیر خزانہ وزیر اعظم کی مشاورت سے نئی قیمتوں کا اعلان کریں گے۔
