برازیل میں ایک مسافر بردار طیارہ ساؤ پالو کے نواح میں مکانات پر گر کر تباہ ہوا جس کے نتیجے میں 62 افراد ہلاک ہو گئے۔
مگر وہیں ایک ایسا شخص بھی تھا جو برازیل کے طیارے میں سوار ہونے ہی جا رہا تھا مگر آخری لمحات میں سیکیورٹی اسٹاف نے اسے طیارے میں سوار ہونے کی اجازت نہیں دی جس طرح وہ بال بال حادثے کا شکار ہونے سے بچ نکلا۔
برازیل میں مسافر بردار طیارہ مکانات پر گرگیا، 62 افراد ہلاک
میڈیا رپورٹ کے مطابق ایڈریانو اسس نامی خوش قسمت شخص جب ائیر پورٹ پہنچا تو اس نے بورڈنگ کے اعلان کا انتظار کیا جو نہ ہوا۔ ایڈریانو اسس کو ایسا لگا کہ وہ غلط گیٹ پر موجود ہے۔
بعد ازاں وہ تیزی سے Voepass گیٹ کی طرف دوڑا مگر وہاں ائیر پورٹ عملے کے ایک رکن نے اسے طیارے میں بیٹھنے کی اجازت نہیں دی۔ اسس کا ملازم کے ساتھ بحث و مباحثہ بھی ہوا مگر وہ خوش قسمتی سے طیارے میں سوار نہ ہوا۔
جب ایڈریانو کو معلوم ہوا کہ مسافر بردار طیارہ حادثے کا شکار ہوگیا، تب وہ اپنے جذبات پر قابو نہ رکھ سکا اور اس نے عملے کے رکن کو گلے لگا کر اس کا شکریہ ادا کیا جس نے اسے طیارے میں سوار ہونے سے روکا تھا۔
