پوری دنیا میں پاکستان کی پہچان سبز ہلالی پرچم ہے تو دوسری طرف لاہور کے جیلانی پارک میں ملک کا دوسرا بڑا جھنڈا جسکی اونچائی دو سو فٹ ہے ۔۔ اسکو دیکھنے کے لیے شہری کھنچے چلے آرہے ہیں اور انکا جوش جذبہ قابل دید ہے.

ملک بھر کی طرح لاہور میں جشن آزادی ذور شور سے منانے کی تیاریاں جاری ہیں۔۔ جیلانی پارک میں لہراتا ملک کا دوسرا بڑا قومی پرچم۔۔ جسکی اونچائی 200 فٹ، لمبائی 45 فٹ اور چوڑائی 70 فٹ ہے۔۔ سبھی کی توجہ کا مرکز بنا ہوا ہے

انتہائی اونچے اور بلند بالا اس پرچم کو لہرانے کیلئے باقاعدہ مشینیں لگائی گی ہیں۔ جھنڈے کے مقام کے پاس قومی ترانے اور پرچم کی تاریخ کو پتھر کے ڈسپلے پر نصب کیا ہے۔۔ شہریوں کے مطابق یہ انتظامیہ کا احسن اقدام ہے۔

پی ایچ اے انتظامیہ کے مطابق واہگہ بارڈر پر نصب قومی پرچم کی اونچائی 230 فٹ ہے۔۔ جبکہ جیلانی پارک میں نصب پرچم کی اونچائی اس سے تیس فٹ کم ہے۔