قدرت نے ہمیں ہر طرح کے ذائقوں سے نوازا ہے، جن میں کھٹے ،میٹھے ،ترش، کڑوے اور مکس ذائقے شامل ہیں۔ہر ذائقہ اپنے اندر بے پناہ طبی فوائد رکھتا ہے۔
ایسی ہی ایک نعمت کریلے ہیں ، جو باوجود کڑوے ہونے کے بہت شوق سے کھائے جاتے ہیں۔ ان کریلوں کو انسانی صحت کے لیے بہت مفید سمجھا جاتا ہے۔
اگر آپ سونف کھانا پسند کرتے ہیں تو اس ”سپر فوڈ“ کے فوائد بھی جانیے
کریلے میں صحت سے تعلق رکھنے والے کئی ضروری اجزا وافر مقدار میں پائے جاتے ہیں۔ اگر اسے روزانہ استعمال کیاجائے تو اس سے نہ صرف کئی فوائد حاصل کیے جا سکتے ہیں۔ بلکہ صحت سے تعلق رکھنے والے کئی مسائل سے بھی نجات مل سکتی ہے۔
کریلے کا استعمال ذیا بیطس کے مریضوں کے لیے بہت فائدہ مند ہے۔ نیشنل انسٹیٹیوٹ آف ہیلتھ کے مطابق کریلے میں کئی ایسی خصوصیات پائی جاتی ہیں،جو جسم میں انسولین کی مقدار کو کنٹرول کرنے میں مدد دیتی ہیں۔
ماہرین صحت کا کہنا ہے کہ کریلے میں کچھ ایسے عناصر ہائے جاتے ہیں، جو خون صاف کرنے اور دل کی شریانوں کو صحت مند رکھتے ہیں۔
اگر آپ ہاضمے کے مسائل سے پریشان ہیں تو کریلے کو اپنی خوراک میں شامل کریں۔ کریلے میں پائی جانے والی فائبر کی وافر مقدار ہاضمے سے تعلق رکھنے والے مسائل کو دور کرنے میں مددگار ثابت ہو سکتے ہیں۔
ماہرین صحت کے مطابق کریلے مٰیں ایسے مرکبات پائے جاتے ہیں۔ جو کینسر سے لڑنے کی صلاحیت رکھتے ہیں۔
کریلے میں وٹامن سی کی وافر مقدار پائی جاتی ہے۔ وٹامن سی جسم کی قوت مدافعت میں اضافے اور بیماریوں سے بچاو میں مفید سمجھا جاتا ہے۔
کریلے کو روزانہ کھایا جائے تو جسم مضبوط ہوتا ہے اور تھکاوٹ اور کمزوری کی شکایات دور ہوتی ہیں۔
