سابق اداکارہ نور بخاری نے اپنی ازدواجی زندگی سے متعلق بتایا ہے کہ انھوں نے تین مردوں سے چار شادیاں کیں، جس میں سیاست دان عون چوہدری سے 2 شادیاں بھی شامل ہیں۔

فلمی دنیا کو خیرباد کہنے کے بعد اسلامی تعلیمات کے مطابق زندگی گزارنے والی اداکارہ نور بخاری نے حال ہی میں حافظ احمد کے پوڈکاسٹ میں شرکت کی، اور لوگوں میں اپنی شادیوں سے متعلق پائی جانے والی غلط فہمیوں کو دور کرتے ہوئے بتایا کہ انھوں نے چار نہیں بلکہ تین مردوں سے شادیاں کیں لیکن لوگوں نے ان کی پانچ شادیاں بنا دی ہیں، جو کہ غلط ہے۔

ان کا کہنا تھا کہ عون چوہدری سے ان کی شادی طلاق پر ختم ہوگئی تھی لیکن ایک بار پھر عون چوہدری سے شادی کی جو ان کے حالیہ شوہر ہیں اور مجموعی طور پر یہ ان کی چوتھی شادی تھی۔ جب کہ عون چوہدری کے علاوہ انہوں نے دو مردوں سے دو شادیاں کی تھیں۔

نور بخاری کا مزید کہنا تھا کہ ان کے تین بچے ہیں اور تینوں کے والد عون چوہدری ہی ہیں۔ ان کی بڑی بیٹی فاطمہ ہے، جس کی عمر 11 سال ہے جبکہ دوسری بیٹی شہربانو 4 سال اور بیٹا محمد علی رضا ایک سال کا ہے۔