بارش کے باعث کراچی سے روانہ ہونے والی ٹرینیں تاخیر کا شکار ہو گئی ، کراچی کینٹ اسٹیشن پر شہریوں کا رش لگ گیا ٹرین کے منتظر مسافروں نے بروقت اطلاع نہ دینے کا شکوہ بھی کیا۔
بارش کے سبب کراچی سے روانہ ہونے والی ٹرینیں تاحال مسافروں کو لے کر روانہ نہیں ہوئیں۔
مسافر کا کہنا ہے کہ ایک گھنٹے کا سفر کر کے اسٹیشن پہنچے ہیں اب گھر واپس جانا ممکن نہیں اگر بروقت اطلاع دی جاتی تو ہم گھر سے ہی نہ نکلتے، ابھی مزید دو گھنٹے انتظار کرنا ہے لیکن یہاں بیٹھنے کی سہولت بھی موجود نہیں ابھی بھی تسلیاں دی جا رہی ہیں، کنفرم ٹائم نہیں بتایا جا رہا۔
مسافروں کی جانب سے سہولیات کے فقدان پر بھی ریلوے انتظامیہ پر تنقید بھی کی گئی ۔
کراچی تا لاہور پاکستان ایکسپریس دوپہر 2 کے بجائے رات 7:30 پر روانہ ہوگی کراچی تا لاہور قراقرم ایکسپریس دوپہر 3 کے بجائے شام 6:30 پر روانہ ہوگی ، کراچی تا ملتان زکریا ایکسپریس 5:50 کے بجائے 7 بجے روانہ ہوگی جبکہ کراچی تا فیصل آباد ملت ایکسپریس شام 5 کے بجائے رات 9:00 بجے روانہ ہوگی۔
