ٹانک میں ججز پر حملہ کے بعد پشاورہائی کورٹ کے رجسٹرار کی سربراہی میں کمیٹی بنانے کا فیصلہ کیا گیا ہے جبکہ پولیس شہدا کے لواحقین کو 40 لاکھ روپے بھی دیئے جائیں گے۔
چیف جسٹس پشاورہائی کورٹ کے سربراہی میں اہم اجلاس میں پولیس افسران نے ٹانک حملہ کے بارے بریفنگ دیتے ہوئے بتایا کہ پولیس نے حملے کو بہادری کیساتھ ناکام بنایا اس دوران 2 اہلکار شہید ہوئے۔
چیف جسٹس اشتیاق ابراہیم نے حکام کو ہدایت کی کہ اداروں کی مضبوط ٹیمیں عدالتوں کی سیکورٹی کے لیے تشکیل دی جائیں جبکہ ٹانک واقعے کی تحقیق کے لئے پشاورہائی کورٹ کے رجسٹرار کی سربراہی میں کمیٹی بنانے کا بھی فیصلہ کیا گیا۔ کمیٹی ججز کی سیکیورٹی کے لیے مزید اقدامات اٹھانے کے لیے غور کریگی۔
اجلاس میں شہید پولیس اہلکاروں کی ایصال ثواب کے لیے فاتحہ خوانی کی گئی اور شہدا کے لواحقین کے لیے 40 لاکھ روپےکابھی اعلان کیا گیا ۔
