آئندہ سال فروری 2025 میں پاکستان میں ہونے والی انٹرنیشنل کرکٹ کونسل (آئی سی سی) چیمپئنز ٹرافی کے لیے ڈرافٹ شیڈول منظر عام پر آگیا۔
پاکستان میں شیڈول چیمپئینز ٹرافی 2025 کا انعقاد 19 فروری سے 9 مارچ تک کھیلا جائے گا جس کے لیے ڈرافٹ شیڈول جاری منظر عام پر آگیا۔
میڈیا رپورٹس کے مطابق 12 سے 18 فروری تک 7 دن کا وقفہ ’سپورٹ پیریڈ‘ کے طور پر مختص کیا گیا ہے، جس میں ٹیمیں وارم اَپ میچز میں حصۃ لیں گی جبکہ میڈیا اور تشہیری سرگرمیاں رکھی گئی ہیں۔
کھیلوں کی ویب سائٹ کرک بز نے رپورٹ کیا ہے کہ پاکستان میں شیڈول چیمپئنز ٹرافی 2025 کے لیے آئی سی سی نے تمام اسٹیک ہولڈرز کے ساتھ ایک ڈرافٹ شیڈول شیئر کیا ہے، جو توقعات کے مطابق ہے، بھارت کے تمام میچز لاہور میں شیڈول ہیں جبکہ پاک بھارت ٹاکرا یکم مارچ کو شیڈول ہے۔
بھارت چیمپئنز ٹرافی کیلئے نہ آیا تو۔۔۔۔ ’پاکستان نے بڑا فیصلہ کرلیا‘
گروپ اے میں بھارت اور پاکستان کے علاوہ بنگلہ دیش اور نیوزی لینڈ شامل ہیں جبکہ گروپ بی میں آسٹریلیا، انگلینڈ افغانستان اور جنوبی افریقا شامل ہیں۔
ایونٹ کا آغاز میزبان پاکستان اور نیوزی لینڈ کے درمیان 19 فروری سے کراچی میں ہوگا، ٹورنامنٹ کے سیمی فائنلز 5 مارچ کو کراچی اور 6 مارچ کو راولپنڈی میں ہوں گے جبکہ فائنل 9 مارچ کو لاہور میں ہوگا اور 10 مارچ فائنل کے لیے ریزرو ڈے رکھا گیا ہے۔
اس سے قبل، کرک انفو نے رپورٹ کیا تھا کہ پاکستان کرکٹ بورڈ (پی سی بی) نے آئی سی سی کو بھیجی گئی تجویز میں چیمپئنز ٹرافی 2025 کے لیے 19 فروری سے 19 مارچ کی ونڈو تجویز کی ہے، ایونٹ کے میچز 3 مختلف شہروں میں کھیلے جائیں گے۔
پاکستان کرکٹ بورڈ نے تجویز دی تھی کہ آئی سی سی چیمپئنز ٹرافی 2025 کے دوران ایونٹ کے افتتاحی میچ اور سیمی فائنل سمیت 3 میچز کراچی میں کھیلے جائیں گے، لاہور میں ایونٹ کے فائنل سمیت کل 7 میچز کھیلے جائیں گے، جب کہ بقیہ میچز راولپنڈی کے پنڈی کرکٹ اسٹیڈیم میں کھیلے جائیں گے۔
یاد رہے کہ آخری بار چیمپئنز ٹرافی سال 2017 میں کھیلی گئی تھی جس میں پاکستان نے سرفراز احمد کی قیادت میں روایتی حریف بھارت کو شکست دے کر ٹرافی اپنے نام کی تھی۔
چیمپئینز ٹرافی 2025: ہربھجن سنگھ نے پھر پاکستان کیخلاف زہر اگلنا شروع کردیا
آئی سی سی چیمپئنز ٹرافی سے متعلق آئی سی سی کی بڑی بیٹھک، کیا بھارتی ٹیم پاکستان آ رہی ہے
پاکستان کرکٹ بورڈ نے آئی سی سی کی مشاورت سے چیمپئنز ٹرافی کا بجٹ تیار کرلیا
دوسری جانب چیمئنزٹرافی سے قبل پاکستان سہ فریقی سیریز کی میزبانی بھی کرے گا جس میں پاکستان کے علاوہ نیوزی لینڈ اور جنوبی افریقا شامل ہوں گی، یہ سیریز 8 فرروری سے 14 فروری تک ہوگی اور تمام میچز ملتان میں کھیلے جائیں گے۔
19 فروری: پاکستان بمقابلہ نیوزی لینڈ
20 فروری: بنگلہ دیش بمقابلہ بھارت
21 فروری: افغانستان بمقابلہ جنوبی افریقہ
22 فروری: انگلینڈ بمقابلہ آسٹریلیا
23 فروری: نیوزی لینڈ بمقابلہ بھارت
24 فروری: پاکستان بمقابلہ بنگلہ دیش
25 فروری: انگلینڈ بمقابلہ افغانستان
26 فروری: آسٹریلیا بمقابلہ جنوبی افریقہ
27 فروری: بنگلہ دیش بمقابلہ نیوزی لینڈ
28 فروری: آسٹریلیا بمقابلہ افغانستان
یکم مارچ: پاکستان بمقابلہ بھارت
2 مارچ: انگلینڈ بمقابلہ جنوبی افریقہ
5 مارچ: پہلا سیمی فائنل (اے ون بمقابلہ بی ٹو)
6 مارچ: دوسرا سیمی فائنل (بی ون بمقابلہ اے ٹو)
9 مارچ: فائنل
10 مارچ: فائنل ریزرو ڈے
8 فروری: پاکستان بمقابلہ نیوزی لینڈ
10 فروری: نیوزی لینڈ بمقابلہ جنوبی افریقہ
12 فروری: پاکستان بمقابلہ جنوبی افریقہ
14 فروری: فائنل
