امریکی سوئمر کیٹی لیڈیکی نے پیرس اولمپکس میں 800 میٹر فری اسٹائل کا گولڈ میڈل جیت کر اولمپکس کی تاریخ میں کسی بھی خاتون ایتھلیٹ کا سب سے زیادہ گولڈ میڈل جیتنے کا 50 سالہ پرانا ریکارڈ برابر کردیا۔
کیٹی لیڈیکی نے پیرس اولمپکس میں خواتین کی 800 میٹر فری اسٹائل سوئمنگ میں گولڈ میڈل جیتا۔
یہ ان کے اولمپک کیریئر کا 9واں گولڈ میڈل تھا جس کے ساتھ انہوں نے سویت جمناسٹ لاریسا لاتینینا کا 50 سال پرانا ریکارڈ برابر کیا۔
50 سال قبل سویت جمناسٹ نے 9 گولڈ میڈلز جیت کر سب سے زیادہ اولمپک گولڈ جیتنے والی خاتون ایتھلیٹ ہونے کا ریکارڈ بنایا تھا، جسے ہفتے کی شب کیٹی لیڈیکی نے برابر کیا۔
ہٹ مین یا قدرتی شوٹر؟ اولمپکس میں جیب میں ہاتھ ڈال کر شوٹنگ کرنے والے ترک کھلاڑی کے چرچے
کیٹی لیڈیکی نے 2012 میں خواتین کی 800 میٹر، 2016 میں خواتین کے 200، 400 اور 800 میٹر انفرادی گولڈ کے علاوہ 4 ضرب 200 فری اسٹائل میڈلے کا بھی گولڈ میڈل جیتا تھا۔
ٹوکیو میں انہوں نے 800 اور 1500 میٹر کے فری اسٹائل گولڈ میڈل جیتے جبکہ 2024 میں انہوں نے 800 میٹر سے قبل 1500 میٹر کا انفرادی گولڈ میڈل بھی جیتا تھا۔
سویت جمانسٹ لاتینینا نے 1956 سے 1964 تک 9 اولمپک گولڈ میڈلز جیتے تھے، یہ اولمپکس کی تاریخ میں کسی بھی خاتون کے سب سے زیادہ گولڈ میڈلز ہیں۔
مجموعی طور پر کسی بھی ایتھلیٹ کے بھی یہ دوسرے سب سے زیادہ گولڈ میڈلز ہیں، لیڈیکی اور لاتینینا کے علاوہ 4 مرد ایتھلیٹس نے بھی 9، 9 گولڈ میڈلز لیے ہیں ۔
کیریئر میں 9 اولمپکس گولڈ لینے والوں میں فن لینڈ کے پاوو نورمی اور امریکی ایتھلیٹ کارل لوئیس بھی شامل ہیں جبکہ امریکی سوئمرز کیلب ڈریسل اور مارک اسپیٹز نے بھی 9، 9 اولمپک گولڈ میڈل حاصل کیے ہیں۔
پیرس اولمپکس: آئینے میں دیکھ کر شوٹنگ کی وائرل تصویر کی حقیقت کیا ہے
اولمپکس کے باکسنگ ایونٹ میں ٹرانس جینڈر تنازعہ، میچ چھوڑنے والی خاتون کو بھی انعام دینے کا اعلان
پیرس اولمپکس میں مزید 13 گولڈ میڈلز کا فیصلہ ہوگیا
امریکی سوئمر مائیکل فیلپ نے تاریخ میں سب سے زیاد 23 اولمپک گولڈ میڈلز حاصل کیے ہیں۔
