خیبرپختونخوا کے قبائلی اضلاع میں پہلی بار خاتون ایس ایچ او کو تعینات کردیا گیا ہے، مہک پرویز مسیح تھانہ لنڈی کوتل میں ایڈیشنل ایس ایچ او تعینات ہوئی ہیں۔

مہک پرویز مسیح پولیس لائن خیبر میں فرائض انجام دے رہیں تھیں۔

سائبر کرائم کی وارداتوں میں اضافہ، 3 برس میں 3 لاکھ 86 ہزار شکایات موصول

ڈسٹرکٹ پولیس آفیسر (ڈی پی او) خیبر سیلم عباس کلاچی کا کہنا ہے کہ ضم اضلاع کی تاریخ میں پہلی بار کسی خاتون کو ایس ایچ او کے عہدے پر تعینات کیا گیا ہے، خاتون کی تعیناتی کا مقصد لاکھوں خواتین کو انصاف تک رسائی کو یقینی بنانا ہے۔

لاہور ایئرپورٹ کے قریب غیرملکی سیاح کو ڈاکوؤں نے لوٹ لیا

ڈی پی او نے مزید کہا کہ مہک پرویز لنڈی کوتل کی مقامی شہری ہیں اور خواتین کے مسائل سے واقف ہیں۔

انہوں نے کہا کہ ضم اضلاع کے خواتین میں صلاحیتوں کی کوئی کمی نہیں ہے، ہر شعبہ زندگی میں خواتین کو فرائض کی ادئیگی کے مواقع دئیے جارہے ہیں۔