امریکی صدر جوبائیڈن کی نیتن یاہو کے ساتھ اٹیلفونک رابطہ ہوا جس میں امریکی صدر نے انہیں سخت ہدایت جاری کی۔
میڈیا رپورٹ کے مطابق جو بائیڈن کی جانب سے اسرائیلی وزیر اعظم نیتن یاہو سے جنگ بندی کی ہدایت کی گئی ہے۔
اسرائیل نے اسماعیل ہنیہ کی تعریف کرنے پر مسجد اقصیٰ کے امام کو گرفتار کرلیا
اس حوالے سے ایک امریکی عہدیدار نے دعویٰ کیا ہے۔
عرب میڈیا کے مطابق امریکی عہدیدار کا کہنا ہے کہ صدر بائیڈن نے جمعرات کو اسرائیلی وزیراعظم نیتن یاہو سے ٹیلیفون پر رابطہ کیا۔
امریکی صدر کا کہنا تھا وہ مشرق وسطیٰ میں تشدد کے بڑھنے پر بہت فکر مند ہیں، انہوں نے مزید کہا کہ ایران میں حماس کے ایک سرکردہ رہنما کی ہلاکت سے اسرائیل حماس جنگ بندی کے لیے مذاکرات کی کوششوں کو مدد نہیں ملی۔
اس رابطے میں بائیڈن نے نیتن یاہو سے سختی کے ساتھ جنگ بندی اور قیدیوں کے تبادلے کا معاملہ جلد از جلد نمٹانے کی ہدایت کی۔
امریکی عہدیدار کا کہنا ہے کہ صدربائیڈن نے اسرائیل کی جانب سے مزاحمتی گروپوں کے رہنماؤں کی ٹارگٹ کلنگ پر برہمی کا بھی اظہار کیا۔
امریکی عہدیدار کا مزید کہنا تھا کہ صدر بائیڈن نے نیتن یاہو سے کشیدگی روکنے کی ہدایت کی، اور کہا کہ واشنگٹن سے امداد کی امید نہ رکھیں۔
