برازیل کی اولمپک کمیٹی نے اپنی چیمپئین تیراک اینا کیرولینا ویرا کو بوائے فرینڈ کے ساتھ رات گزارنے کے لیے اسپورٹس ولیج سے باہر جانے پر پیرس اولمپکس 2024 سے ہی باہر کردیا۔
بائیس سالہ ایتھلیٹ 100x4 میٹر کی فری اسٹائل ریلے ٹیم کی رکن تھیں۔ اینا کیرولینا 27 جولائی کو سیمی فائنل میں ٹورنامنٹ سے باہر ہوگئی تھیں۔
اولمپکس 2024: سائیکل پنکچر ہونے کے باوجود برطانوی سائیکلسٹ نے میڈل جیت لیا
برازیلین میڈیا کے مطابق 26 جولائی سے ایک رات پہلے ویرا اور ان کے بوائے فرینڈ تیراک گیبریل سانتوس پیرس کی نائٹ لائف انجوائے کرنے کے لیے اولمپک ولیج سے باہر نکلے تھے۔
برازیل کی اولمپک کمیٹی نے انہیں سزا دینے کی کوشش کی تو کہا گیا کہ ان کے ساتھ بدسلوکی کی گئی ہے اور اس کے بعد خاتون ایتھلیٹ کی ملک واپسی کی فلائٹ فوری بک کرا دی گئی۔
حاملہ ہونے کے باجود پیرس اولمپکس میں ملک کی نمائندگی کرنے والی مصری کھلاڑی
سانتوس جو مردوں کے 100x4 فری اسٹائل کوالیفائر سے باہر ہو گئے تھے، معافی مانگنے کے بعد ان کی بھی سرزنش کی گئی۔
دونوں تیراکوں کو برازیلی تیراکی کی سنہری جوڑی کے طور پر دیکھا جاتا ہے۔
