اگر آپ کو ہاضمے کے مسائل درپیش ہیں اور کھانا کھانے کے بعد کھاناہضم نہیں ہوتا ہو. کھٹی ڈکاریں، ابھارا، طبیعت میں بھاری پن اور سستی رہتی ہوتو اس کا مطلب یہ ہے کہ آپ کو غذائیت نہیں مل رہی ہے۔ صحت مند رہنے کا بنیادی اصول ہے کہ کھانا ٹھیک طرح سے ہضم ہو، تاکہ آپ کے جسم کی ضروریات پوری ہو سکے۔
ہاضمے کو درست رکھنے کے آیورویدک کئی طریقے آفر کرتا ہے ، اسی میں سے ایک طریقہ علاج کھانا کھانے کے بعد 100 قدم چلنا ہے۔ آیورویدک میں اس کے کئی فوائد بیان کیے گئےہیں۔ کئی بالی ووڈ ایکٹریس بھی اس کے فوائد کو مدنظر رکھتے ہوئے اپنی صحت کو برقرار رکھنے کے لیے اسی پر عمل کرتی ہیں۔
آلو کھانے کے شوقین افراد کے لیے خوشخبری، وزن بڑھے گا نہیں کم ہوگا
اگر آپکو ہاضمے کی شکایت ہو اور آپ جیسے ہی کھانا کھاتے ہیں ،آپ کو ابھارہ، گیس، بھوک میں کمی، اور قبض جیسی شکایات ہوتی ہیں تو آپ کے لیے بہتر ہے کہ ہمیشہ کھانا کھانے کے بعد 100قدم چلاجائے۔
آیورویدک طریقہ علاج میں ہر کھانے کے بعد سو قدم چلا جائے توخون میں شوکر کی سطح برقرار رہتی ہے۔ اور اس کی سطح میں اضافہ نہیں ہوتا ہے۔ اگرآپ چاہتے ہیں کہ ذیابیطس 2 نہ ہو تو آپ کو چاہیے کہ جب بھی کچھ کھائیں، اس کے بعد کچھ فاصلے تک پیدل چلا جائے۔
اگر آپ کامیٹابولزم درست طریقے سے کام کررہا ہے تو آپ کا وزن بھی کنٹرول میں رہتا ہے۔ کھانا کھانے کے بعد چہل قدم کی جائے توآپ کا میٹابولزم صحت مند رہے گااور اسکی وجہ سے جسم کے دوسرے حصے بھی ٹھیک رہیں گے۔
اگر آپ کو کھانا کھانے کے بعد سستی محسوس ہوتی ہو تو آپ کو چہل قدمی کرنی چاہیے،کیونکہ اگر آپ کھانا کھانے کے بعد فورا لیٹ جائیں گے یا بیٹھ جائیں گے تو آپ کی طبیعت میں بھاری پن محسوس ہوگا اور آپ کی طبیعت گراوٹ کا شکار رہے گی۔
آرام سے چہل قدمی کریں۔ اس لیے کھانا کھانےبعد یہ خیال رکھیں کہ تیزتیز قدم نہ لیےجائیں یا بھاگنا نہ شروع کردیں ، بلکہ آہستہ آہستہ چہل قدمی کی جائے۔
