سائنسدانوں کی جانب سے دنیا کا پہلا چوہوں کے دماغ کو کنٹرول کرنے کا کامیاب تجربہ سامنے آیا ہے۔
جنوبی کوریا میں سائنسدانوں نے ایک ایسا تجربہ کیا جو اس سے قبل کسی نے نہیں کیا۔ انہوں نے چوہوں کے دماغ کے مخصوص حصوں کو کنٹرول کرنے کے لیے مقناطیسی فیلڈز کا استعمال کیا۔
زمین ٹھنڈی کرنے کیلئے سائنسدانوں کا خفیہ تجربہ، سورج کی روشنی واپس خلا میں اچھالنے کی کوشش
انڈیا ٹوڈے کی رپورٹ کے مطابق یہ تجربہ انسٹی ٹیوٹ فار بیسک سائنس (IBS) اور جنوبی کوریا میں Yonsei یونیورسٹی میں سینٹر فار نینو میڈیسن کے محققین نے کیا ہے۔
میڈیا رپورٹ کے مطابق یہ ٹیکنالوجی Nano-MIND (Magnetogenetic Interface for NeuroDynamics) کے نام سے جانی جاتی ہے جس میں دماغ کے پیچیدہ افعال جیسے کہ آگاہی، جذبات اور ترغیب کو سمجھنے اور ان سے نمٹنے کے لیے نئے امکانات سامنے لاتا ہے۔
سائنسدان نینو مائنڈ نامی مذکورہ ٹیکنالوجی میں دماغ کے مخصوص خلیوں کو نشانہ بنانے اور ان کو متحرک کرنے کے لیے چھوٹے مقناطیسی ذرات کا استعمال کرتے ہیں۔ یہ دماغ کو کنٹرول کرنے کے پرانے طریقوں کے مقابلے میں ایک مشکل تجربہ رہا ہے۔
محققین نے اپنے تجربات میں چوہوں کے دماغ کے مختلف حصوں میں مخصوص نیورونز کو فعال کرکے ٹیکنالوجی کی صلاحیتوں کا مظاہرہ کیا۔
