اسلام آباد میں ایکسپریس وے پر گاڑی کے نیچے آکر دو افراد کی ہلاکت کے مقدمے میں بڑی پیشرفت ہوئی ہے۔ پولیس کو مطلوب شانزے ملک نامی خاتون کے وارنٹ گرفتاری جاری کردیے گئے ہیں۔
ذرائع کے مطابق گاڑی شانزے نامی خاتون چلا رہی تھی اور حادثے کے بعد موقع سے فرار ہو گئی تھیں۔
ذرائع کا کہنا ہے کہ شانزے ملک ایک بااثر شخصیت کی بیٹی ہیں۔
تھانہ کھنہ میں درج مقدمہ نمبر 580/22 میں مطلوب شانزے ملک نامی خاتون کے وارنٹ گرفتاری جاری ہوچکے ہیں۔ اور خاتون کی گرفتاری عمل میں لانے کے لیے پولیس نے ٹیم تشکیل دے دی۔
پولیس ٹیم کسی بھی وقت خاتون کو گرفتار کرنے کے لیے روانہ ہوسکتی ہے۔
ذرائع کا کہنا ہے کہ گرفتاری عمل میں لانے کے بعد قانونی تقاضوں کو مد نظر رکھتے ہوئے مزید کارروائی عمل میں لائی جائے گی۔
