پاکستانی ڈرامہ اداکارہ بشریٰ انصاری 14 اگست سے قبل قومی پرچم سے متعلق اپنے جذبات کا اظہار کر گئی ہیں جو کہ سوشل میڈیا صارفین کی توجہ حاصل کر رہا ہے۔
تفصیلات کے مطابق اداکارہ کی جانب سے انسٹاگرام پر ایک پوسٹ کیا گیا تھا، جس میں اسی حوالے سے اظہار خیال کیا گیا تھا۔
بشریٰ انصاری کی جانب سے پوسٹ کرتے ہوئے کہنا تھا کہ 14 اگست کے دن ہرے جھنڈے خریدنے کے بجائے پودے خریدیں۔
اداکارہ کی جانب سے کہنا تھا کہ پودے خریدیں اور پاکستان لش گرین بنائیں۔
ساتھ ہی اداکارہ کی جانب سے کہنا تھا کہ اس پیغام کو دوسروں تک بھی پہنچائیں۔
تاہم اس پر سوشل میڈیا صارفین کی جانب سے بھی دلچسپ تبصرے کیے جا رہے ہیں، ایک صارف نے لکھا کہ پودے لگانے کا فائدہ تب ہے، کہ جب غیر قانونی طور پر درخت کاٹنے والوں کو روکا یا پکڑا جائے۔ ساتھ ہی صارف نے مزید بتایا کہ یہ تو ایسا ہی ہے جیسے کہ آپ ٹیکس ادا کرتے جائیں اور اس کا فائدہ کوئی اور حاصل کرے۔
بشری انصاری نے اپنی پہلی شادی کامثبت پہلو شیئر کردیا
جبکہ ایک صارف نے تعریف کرتے ہوئے لکھا ہے کہ آپ کا یہ خیال بہت ہی اچھا ہے۔
جبکہ ایک صارف نے اس عزم کا اعادہ کرتے ہوئے کہا کہ انشاء اللہ میں بھی 5 نیم کے درخت کے پودے 14 اگست کو لگاؤں گا۔
دوسری جانب کئی ایسے صارف بھی تھے جو کہ تھمبس اپ کا ایموجی شئیر کرتے ہوئے اپنے خیالات کا اظہار کرتے دکھائی دیے۔
واضح رہے پاکستان میں بڑھتے درجہ حرارت ماہرین موسمیات سمیت ماحولیات کے ماہرین کے لیے بھی تشویش کا باعث بن رہے ہیں، جبکہ اس حوالے سے درخت لگانے کی بھی تجاویز دی جا رہی ہیں۔
