قومی خزانے کو کروڑوں روپے کا نقصان پہنچانے کے الزام میں اینٹی کرپشن نے پی ٹی آئی رہنماؤں کے خلاف مقدمہ درج کرلیا۔ مقدمہ وہاڑی سے پی ٹی آئی کے ایم این اے اور ایم پی اے کے خلاف درج کیا گیا ہے جو بھائی ہیں۔
اورنگ زیب کھچی اور جہانزیب کھچی پر سرکاری زمین پر قبضہ کرکے اُسے فروخت کرنے کا الزام ہے۔ ایف آئی آر کے متن کے مطابق اس کیس میں پٹواری ثقلین شاہ، فرنٹ مین افتخار اور قیصر عباس بھی ملزم نامزد ہیں۔
ایف آئی آر کے مطابق ان پر محکمہ اوقاف کی زمین پر غیر قانونی سڑک تعمیر کرنے کا بھی الزام ہے۔ غیر سڑک تعمیر کرنے کا مقصد کمرشل ویلیو بڑھاکر نجی ٹاؤن کو فائدہ پہنچانا تھا۔
