فضائی حملوں سے دفاع کے لیے اسرائیل میں نصب نظام آئرن ڈوم خود اسرائیل کے لیے خطرہ بن گیا۔ حملوں کو ناکام بنانے کے بجائے یہ نظام اپنے ہی شہریوں کو نشانہ بنارہا ہے۔
لبنان کی ایرانی حمایت یافتہ ملیشیا حزب اللہ کی طرف سے داغے جانے والے راکٹ کو تباہ کرنے کے لیے چلایا جانے والا میزائل اپنے ہدف تک پہنچنے کے بجائے مقبوضہ شمالی گولان کے ایک فٹبال گراؤنڈ میں جا گرا۔
اسرائیلی فضائی نظام کی اِس غلطی کے نتیجے میں بچوں سمیت 11 افراد ہلاک اور 37 زخمی ہوگئے۔
اسرائیلی حکام نے حزب اللہ پر حملے کا الزام عائد کردیا۔ اسرائیلی وزیرِاعظم بنیامین نیتن یاہو کا کہنا ہے کہ اسرائیل خاموش نہیں رہے گا، اس حملے کا بدلہ لیا جائے گا۔
حزب اللہ نے اس حوالے سے اسرائلیی الزام تراشی کو مسترد کرتے ہوئے کہا ہے کہ جہاں بچے کھیل رہے ہوں وہاں حملہ کرنے کا سوال ہی پیدا نہیں ہوتا۔
گزشتہ روز رونما والے اس واقعے کے فوراً بعد اسرائیلی میڈیا کی پروپیگنڈا مشینری نے حزب اللہ کو نشانہ بنانا شروع کردیا تھا۔ مجد الشمس نامی علاقے میں واقع فٹبال گراؤنڈ پر جب اسرائیل کا اپنا راکٹ گرا تب وہاں میچ ہو رہا تھا۔
