سندھ میں طاقتور مون سون ہواؤں کا سسٹم داخل ہو گیا، کل سے 30 جولائی تک تھرپارکر، عمر کوٹ، بدین، سجاول اور دیگر مقامات پر گرج چمک کے ساتھ بارش متوقع ہے۔
محکمہ موسمیات کے مطابق پیر سے 30 جولائی تک کراچی، سکھر، لاڑکانہ، جیکب آباد اور دیگر مقامات پر بارش کا امکان ہے۔
موسم کا حال بتانے والوں کا کہنا ہے کہ کراچی میں اتوار اور پیر کو درجہ حرارت میں اضافے کا امکان ہے، مطلع جزوی ابر آلود اور موسم مرطوب رہے گا۔
کراچی میں کل شام یا رات میں بوندا باندی اور ہلکی بارش بھی ہو سکتی ہے۔
دوسری جانب مون سون کے نئےسلسلے کے پیش نظر این ڈی ایم اے نے سیلابی صورتحال کا خدشہ ظاہرکردیا ہے۔
این ڈی ایم اے کے مطابق بحیرہ عرب سے مون سون ہوائیں بالائی حصوں میں داخل ہونے کے باعث 28 تا 31 جولائی تک تیزبارشوں کا امکان ہے۔
کراچی میں آج بھی ہلکی بارش کا امکان، ملک بھر میں بھی بادل جم کر برسنے کو تیار
بالائی کے پی، گلیات، مری، گلگت بلتستان، کشمیرمیں گرج چمک کیساتھ بارش متوقع ہے جبکہ ندی نالوں میں پانی کا بہاو تیز ہونے اور لینڈسلایڈنگ کا خدشہ بھی ہے۔
بارشوں کے باعث بلوچستان کے مقامی نالوں سمیت ڈی جی خان اورراجن پور میں طغیانی آسکتی ہے۔
