فرانس کے دارالحکومت پیرس میں منعقد ہونے والی تقریب میں پہلی بار ایک بڑی غلطی نے سوشل میڈیا پر ہنگامہ برپا کر دیا۔
میڈیا رپورٹس کے مطابق جمعہ کو اولمپکس گیمز کی افتتاحی تقریب میں ایک بڑی غلطی اس وقت سامنے آئی جب گارڈز نے گیمز کا مشہور پانچ رنگوں کے دائروں والا پرچم الٹا اٹھا لیا۔
پیرس میں اولمپکس کےافتتاح سے پہلے ریلوے سسٹم پر بڑا حملہ، 25 لاکھ افراد متاثر
افتتاحی تقریب کے اختتام پر گارڈز نے ایفل ٹاور کے قریب ٹروکیڈرو سکوائر میں ایک کھمبے پر اپنے پانچ اولمپک رنگز کے ساتھ جھنڈا اٹھایا۔ بدقسمتی سے علامت کے نچلے دو رنگز اوپر کی طرف مڑ گئے۔ اصل میں اولمپکس کے جھنڈے میں تین رنگز اوپر جبکہ دو رنگز ان کے نیچے ہوتے ہیں۔
اس غلطی کی وجہ ابھی تک واضح نہیں ہوسکی۔ گیمز کی افتتاحی تقریب میں متعدد عالمی رہنماؤں نے شرکت کی۔
26 جولائی کو فرانس کے دارالحکومت پیرس میں سمر اولمپک گیمز کے 33ویں ایڈیشن کا افتتاح دریائے سین پر ایک بہت بڑی تقریب کے ساتھ ہوا۔
افتتاحی تقریب طویل تین گھنٹے 45 منٹ تک جاری رہی۔ فرانسیسی صدر ایمانوئل میکرون نے ابتدائی طور پر پیرس میں افتتاحی تقریب میں شرکت کے لیے عالمی رہنماؤں کا استقبال کیا۔
