مکھی سے ہر کوئی تنگ آجاتا ہے، کبھی وہ کھانوں پر بیٹھتی ہے تو کبھی ہمارے چہروں پر، جس کو اڑانے کے لیے فوراً ہاتھ مارتے ہیں۔
مگر چین میں دل دہلا دینے والا واقعہ پیش آیا جب ایک چینی شہری ایک معمولی مکھی کی وجہ سے اپنی آنکھ سے ہمیشہ کے لیے محروم ہوگیا۔
غیر ملکی میڈیا رپورٹس کے مطابق چین کے شہر شینزین سے تعلق رکھنے والا شخص اپنے کام کاج میں مصروف تھا اور مکھی اس کے آس پاس مسلسل بھنبھنا رہی تھی اور جیسے ہی مکھی اس کے منہ کے پاس آکر بیٹھی تو اس نے غصے میں آکر اس مکھی کو مارا۔
مکھی کو تو کچھ نہ ہوا مگر مارنے کے چکر میں اپنی الٹی آنکھ کو نقصان پہنچا دیا۔ چینی شخص کی آنکھ چند منٹ بعد سرخ ہوگئی اور سوزش کی وجہ سے تکلیف بڑھنے لگی، جس کے بعد وہ علاج کے لیے ڈاکٹر کے پاس پہنچا۔
بعد ازاں رپورٹس میں بتایا گیا کہ ڈاکٹرز کی طرف سے دی جانے والی دواؤں سے بھی اس شخص کو راحت نہ پہنچی اور آہستہ آہستہ وہ اپنی بینائی سے محروم ہونے لگا۔
ڈاکٹروں کے مطابق متاثرہ شخص کی آنکھ میں انفیکشن پھیلنے سے اس کی آنکھ اور آس پاس کی جگہوں پر شدید السر ہوگیا اور انفیکشن کو دماغ تک پھیلنے سے روکنے کیلئے شہر کی آنکھ کو نکالنا پڑ گیا۔
