نوشہرو فیروز میں دو روز قبل خاتون پر کلہاڑیوں سے حملہ کر کے دونوں ٹانگیں توڑنے والے ایک ملزم کو گرفتار کرلیا گیا ہے مزید ملزمان کی گرفتاری کے لئے ٹیم تشکیل دے دی گئی۔

پولیس ترجمان کے مطابق خاتون نے اپنے شوہر سے طلاق لینے کے لئے عدالت میں درخواست دی تھی جس پر خاتون کے والد چچا اور دیگر رشتے دار ناراض تھے اور خاتوں ثوبیہ شاہ کو عدالت میں دائر درخواست سے دستبردار ہونے کے لئے دھمکیاں دے رہے تھے۔

درخواست واپس نہ لینے پر دو روز قبل ملزمان نے خاتون کی والدہ کے گھر پر حملہ کیا ، خاتون پر کلہاڑیوں کے وار کئے جس کے نتیجے میں متاثرہ خاتون کی دونوں ٹانگیں ٹوٹ گئی تھیں پولیس نے خاتون کے والد ،چچا سمیت چھ ملزمان کے خلاف مقدمہ درج کرلیا تھا۔