کراچی کے علاقے ڈیفنس کے خیابانِ نشاط میں گزشتہ روز فائرنگ جاں بحق ہونے والوں کا پوسٹ مارٹم مکمل کرلیا گیا ہے۔ پولیس سرجن کے مطابق دو لاشوں کا پوسٹ مارٹم جناح اسپتال میں اور تین کا پوسٹ مارٹم سول اسپتال میں کیا گیا۔
ڈاکٹر سمیہ نے آج نیوز کو بتایا ہے کہ دو افراد زخمی ہوئے تھے جن کا علاج اسٹیڈیم روڈ پر واقع نجی اسپتال میں کیا جارہا ہے۔
کراچی : خونی تصادم میں 5 افراد کی ہلاکت کے واقعے کا مقدمہ درج، 2 ملزمان گرفتار
کراچی کے پوش علاقے ڈیفنس میں گزشتہ رات مبینہ طورپر گاڑی اوور ٹیک کرنے کے معاملے پر شروع ہونے والی تلخ کلامی بعد ازاں خوں ریز تصادم میں تبدیل ہوگئی جس میں 5 نوجوان جان سے ہاتھ دھو بیٹھے۔ اس واقعے کی سی سی ٹی وی فوٹیج بھی منظرعام پر آچکی ہے۔
واضح رہے کہ واقعہ ڈیفنس فیز 6 نشاط کمرشل میں رونما ہوا تھا۔ تلخ کلامی کے بعد خوں ریز لڑائی فہد بگٹی اور علی حیدر بگٹی کے گروہوں کے درمیان ہوئی تھی۔
جاں بحق ہونے والوں میں فہد بگٹی، نصیب اللہ، میر محسن بگٹی، میر عیسٰی بگٹی اور علی شاہ ہیں۔ میر حیدر علی اور قائم علی اسپتال میں زیر علاج ہیں۔
ایڈیشنل آئی جی کراچی جاوید عالم اوڈھو نے کہا تھا کہ شاید دونوں گروہوں میں پہلے سے دشمنی چلی آرہی تھی۔
