وزیرِاعظم کے مشیر برائے سیاسی امور رانا ثنااللہ نے کہا ہے کہ بانی پی ٹی آئی عمران خان کا آرمی چیف کے ن ام مبینہ پیغام کافی دیر سے آیا ہے اور اس پیغام کی کوئی اہمیت نہیں ہے۔
واضح رہے کہ رانا ثنا اللہ کا بیان ایسے وقت پرسامنے آیا ہے جب قومی اسمبلی میں اپوزیشن لیڈر عمرایوب نے دعویٰ کیا کہ عمران خان نے آرمی چیف جنرل عاصم منیر کے نام پیغام دیا کہ موجودہ حکومت پاک فوج اور پی ٹی آئی کو آمنے سامنے کرنا چاہتی ہے۔
نجی چینل کے انٹرویو دیتے ہوئے رانا ثنا اللہ نے کہا کہ پی ٹی آئی کے فوج مخالف بیانات کو دیکھتے ہوئے کوئی ان پیغامات پر کیسے یقین کر سکتا ہے۔
انہوں نے مزید کہا کہ پی ٹی آئی رہنما نجی محفلوں میں کہہ رہے ہیں کہ ان کی بات ہوگئی ہے کہ نومبر میں جیسے ہی چیف جسٹس تبدیل ہوںگے، تو اس کے بعد نئے الکشن کی تیاری کریں۔
مخصوص نشستیں ملنے کے بعد عدم اعتماد کی طرف جائیں گے، اسد قیصر
راولپنڈی میں اڈیالہ جیل میں عمران خان سے ملاقات کے بعد عمر ایوب نے کہا تھا کہ شہباز شریف کی حکومت کے چھکے چھوٹ گئے ہیں، عوام نئے انتخابات کی تیاری کرے۔ مخصوص نشستوں کے حوالے سے عمران خان کے سامنے کنول شوزب نے سفارشات رکھی ہیں، جس پر عمران خان نے اطمینان اور تسلی کا اظہار کیا۔ علاوہ ازیں اسد قیصر نے بھی دعویٰ کیا تھا کہ دسمبر تک ان کی جماعت حکومت بنانے کی پوزیشن میں ہوگی۔
رانا ثنا اللہ نے کہا کہ ’اس بیان کی کوئی اہمیت نہیں ہے لیکن ہمیں نظر آرہا ہے کہ کچھ چییں ایسے انداز میں کی جارہی ہیں کہ ان کو اپنے تئیں لگتا ہے کہ اس طرح کا ایجنڈا پورا کر لیں گے، لیکن ایسا ہوگا نہیں۔‘
مزیدپڑھیں:
بنوں واقعے پر عمران خان نے خیبرپختونخوا حکومت کو ہدایات جاری کردیں
