صبح سے چھائی کالی گھٹائیں برس پڑیں، کراچی کے مختلف علاقوں میں ہلکی بارش اور بوندا باندی سے موسم خوشگوار ہو گیا۔
شاہ فیصل، کورنگی اور بہادرآباد میں بھی ہلکی بارش ہوئی، طارق روڈ گلشن یونیورسٹی روڈ پر ہلکی بارش سے موسم خوشگوارہو گیا۔
ملیر اور کورنگی میں ہلکی بوندا باندی کا سلسلہ کافی دیر تک جاری رہا جبکہ ناظم آباد، نارتھ ناظم آباد، عزیز آباد، گولیمار، لیاقت آباد، سول لائنز سمیت دیگر علاقوں میں ہلکی بارش ہوئی۔
چیف میٹرولوجسٹ کراچی سردارسرفرازکے مطابق 30 جولائی سے 2 اگست کے دوران مون سون سسٹم کے تحت درمیانی سے تیزبارشیں ہونے کا امکان ہیں، جبکہ ایک اور سسٹم 5 سے 7 اگست کے درمیان متوقع ہے۔
