تمام الاؤنسز اور ملازمت مستقل کرنے کا مطالبہ منوانے کے لیے سرکاری اساتذہ لاہور کے علاقے ماڈل ٹاون میں مسلم لیگ ن سیکرٹریٹ کے باہر مظاہرہ کر رہے ہیں۔

مظاہرین نے سیکرٹریٹ کی طرف پیش قدمی کی کوشش کی جس پر پولیس اور اساتذہ میں دھینگا مشتی ہوئی۔ پولیس نے آبی توپیں تیاری کی حالت میں رکھی ہیں۔ مظاہرین کا کہنا ہے کہ وہ اپنے مطالبات ن لیگ کی قیادت تک پہنچانا چاہتے ہیں۔ اس راہ میں روڑے نہ اٹکائے جائیں۔

مظاہرین کا کہنا ہے کہ پولیس نے اساتذہ سے پھر بدتمیزی کی اور انہیں آگے نہیں بڑھنے دیا۔ ان کا کہنا تھا کہ حکومت قوم کے معماروں سے بدسلوکی کر رہی ہے۔ اساتذہ مطالبات کے حق میں مظاہرہ احتجاج کر رہے ہیں۔ یہ اُن کا بنیادی حق ہے۔