بھارتی بولر محمد شامی کے دوست امیش کمار نے انکشاف کیا ہے کہ ان کے دوست شامی پر ایک لمحہ ایسا آیا جب وہ خودکشی کرنے کے بارے میں سوچنے پر مجبور ہوگیا تھا۔
بھارتی میڈیا رپورٹ کے مطابق امیش کمار نے ایک پوڈ کاسٹ کے دوران انٹرویو میں کہا کہ جب محمد شامی پر پاکستان کے خلاف میچ فکسنگ کے الزامات لگے تو اس نے خود کشی کا سوچا۔ علاوہ ازیں محمد شامی اپنی نجی زندگی میں بھی کافی پریشان تھے جس کے وہ دلبرداشتہ ہو کر خودکشی کے بارے میں سوچنے لگے تھے۔
محمد شامی نےثانیہ مرزا سے شادی کی افواہوں پرخاموشی توڑ دی
انہوں نے بتایا کہ شامی کیلئے وہ شامی کی زندگی کا مشکل ترین وقت تھا، اس وقت وہ میرے ساتھ میرے گھر میں رہتا تھا لیکن شامی پر جب پاکستان کے ساتھ میچ فکسنگ کے الزامات لگے اور اسی رات تحقیقات کا آغاز ہوا تو اس نے مجھ سے کہا کہ میں سب کچھ برداشت کر سکتا ہوں لیکن ملک کو دھوکا دینے جیسے الزامات نہیں برداشت کرسکتا۔
محمد شامی کے قریبی دوست نے انکشاف میں کہا کہ اگلے روز صبح تقریباً 4 بجے کا وقت تھا جب میں پانی پینے کے لیے اٹھا تو میں نے دیکھا کہ شامی عمارت کے 19 ویں فلور کی بالکونی میں کھڑا تھا میں سمجھ سکتا تھا کہ شامی کے کیرئیر کی وہ رات سب سے مشکل رات تھی۔
امیش نے مزید کہا کہ ایک دن مجھے شامی کا فون آیا جس میں اس نے مجھے خوشخبری سناتے ہوئے کہا کہ میچ فکسنگ الزامات میں تحقیقات کرنے والی کمیٹی نے اسے کلین چٹ دے دی ہے جس کے بعد محمد شامی بہت زیادہ خوش ہوا تھا۔
محمد شامی نے سجدہ نہ کرنے سے متعلق تنازع پرخاموشی توڑ دی
واضح رہے کرکٹر محمد شامی کے 2018 میں اہلیہ کے ساتھ تعلقات خراب ہوگئے تھے بعدازاں ان پر میچ فکسنگ کے الزامات بھی لگائے گئے تھے، جس کے بعد بھارتی کرکٹ بورڈ کی جانب سے ان کے خلاف تحقیقات کا بھی آغاز کیا گیا تھا لیکن کرکٹر کو اس معاملے میں کلین چٹ دی گئی۔
ذہنی دباؤ اور پریشانی آج کی تیز رفتار زندگی میں بہت عام ہے۔ مشکلات سے نمٹنے کیلئے ہر انسان کو سہارے، اچھے مشورے اور رہنمائی کی ضرورت ہوتی ہے۔ براہ کرم آپ ہیلپ لائن سے رابطہ کریں۔
اگر آپ اداس محسوس کر رہے ہیں۔ آپ تنگ ماحول میں کام کرنے کی وجہ سے تناؤ محسوس کر رہے ہیں۔
کسی بھی بیماری کی وجہ سے پریشانی محسوس کر رہے ہیں یا حال میں آپ کوئی ذہنی بیماری کی تشخیص ہوئی ہے۔
آپ کے ڈاکٹر نے آپ کو کونسلنگ لینے کا مشورہ دیا ہے، آپ محسوس کر رہے ہیں کہ آپ کیفیت کو کوئی نہیں سمجھ رہا ہے۔
آپ درج ذیل ہیلپ لائنز سے رابطہ کرسکتے ہیں اور ان سے بات کرسکتے ہیں۔
مائنڈ آرگنائزیشن: 35761999 042
امنگ: 4288665 0317
ٹاک ٹومی ڈاٹ پی کے: 4065139 0333
بات کرو: 5743344 0335
تسکین: 5267936 0332
روح: 3337664 0333
روزن: 22444 0800
اوپن کونسلنگ 35761999 042
یہاں یہ بات اہم ہے کہ آپ کو کیا کرنا چاہیے۔ اگر آپ کا کوئی جاننے والا فرد خودکشی کرنے کی کوشش کرتا ہے یا کسی بھی طرح کی علامات ظاہر کرتا ہے، تو براہ کرم درج ذیل ہدایات پرلازمی عمل کریں۔
اس بات کو یقینی بنانے کی کوشش کریں کہ انہیں تنہا نہ چھوڑیں۔
ایسی چیزوں کو اِن کے پاس سے ہٹا دیں جس سے وہ خود کو نقصان پہنچا سکتے ہیں۔
ایسے فرد کو طبی یا ذہنی صحت کے ماہر سے مدد لینے کے لیے اس کی حوصلہ افزائی کریں۔
