سابق ٹیسٹ کرکٹر باسط علی نے انضمام الحق کے بارے میں نامناسب الفاظ استعمال کرنے والے بھارتی بولر محمد شامی کو آڑے ہاتھوں لے لیا۔
حال ہی میں بھارتی فاسٹ بولر محمد شامی نے ایک انٹرویو میں سابق لیجنڈری کپتان انضمام الحق کی جانب سے ارشدیپ سنگھ پر لگائے بال ٹیمپرنگ کے الزام پر کہا تھا کہ اس طرح کے کارٹون جیسے ریمارکس نہیں چلیں گے۔ آپ پاکستانی عوام کو دھوکا دینا بند کریں۔
محمد شامی کے اس بیان پر باسط علی نے انہیں تنقید کا نشانہ بناتے ہوئے کہا گیا کہ شامی کی طرف سے انصمام الحق سے متعلق ایسے ریمارکس کسی بھی صورت قابل قبول نہیں ہیں، اگر انھوں نے سینئرز کا احترام نہیں کیا تو سال بھر مشکلات کا شکار رہیں گے۔
