اسرائیل کے دارالحکومت تل ابیب پر حوثیوں کے ڈرون حملے کے بعد اب اسرائیل نے یمن کے شہر حدیدہ کی بندرگاہ پر فضائی حملہ کر دیا جس سے بندرگاہ میں آگ لگ گئی۔
غیر ملکی میڈیا رپورٹ کے مطابق حملے میں اسرائیلی طیاروں نے ایک آئل ٹینک کو نشانہ بنایا جس سے اطراف کے علاقوں میں بھیانک آگ بھڑک اٹھی۔
یمن کی وزارت صحت کے مطابق حملے میں کئ افراد جاں بحق اور زخمی ہوئے ہیں۔
اس حوالے سے انصار اللہ موومنٹ کا کہنا ہے کہ یہودیوں کو اس حملے کی قیمت چکانا پڑے گی،ہم اسرائیل کے تیل کے ذخائیر کو نشانہ بناسکتے ہیں۔
اسرائیل حوثیوں کے تل ابیب پر حملے سے بوکھلا گیا تھا جس کے بعد انہوں نے یمن پر حملہ کرنے کی دھمکی دی تھی۔
خیال رہے جمعے کے روز اسرائیل کے دارالحکومت تل ابیب پر حوثیوں کے ڈرون حملے کے نتیجے میں ایک شخص ہلاک جبکہ 4 شدید زخمی ہوئے تھے۔
