تاجروں نے اسٹیشنری پر عائد 14 فیصد سیلزٹیکس کےخلاف ملک گیر ہڑتال کا عندیہ دے دیا۔ پاکستان انجمن تاجران کےصدر خالد پرویز کہتے ہے تعلیم پرظالمانہ ٹیکس کسی صورت قبول نہیں کریں گے۔
پاکستان انجمن تاجران کےصدر خالد پرویز نےدیگر تاجرتنظیموں کےنمائندوں کےہمراہ لاہور پریس کلب میں میڈیا سےگفتگو کرتےہوئےحکومت کو دس دن میں سیلز ٹیکس واپس لینے کی ڈیڈ لائن دے دی، جب تک سیلزٹیکس واپس نہیں لیا جاتا تاجردیگر ٹیکس بھی ادا نہیں کریں گے۔
انھوں نےکہا کہ اگر مطالبہ نہ مانا گیا توگیارہویں روز ملک بھرمیں احتجاج بھی ہوگا اورہڑتال بھی کی جائے گی ۔
اردو بازار کےصدر ابوذرغفاری اوردیگر تاجروں نےکہا کہ اسٹیشنری پرعائد سیلزٹیکس سےتعلیم اورمہنگی ہو جائےگی۔ ہم یہ ظالمانہ ٹیکس کسی صورت قبول نہیں کریں گے۔اسٹیشنری پرٹیکس عائد کرنے سےحکومت کوزیادہ مالی فائدہ بھی نہیں ہوگا۔
خالد پرویز نے تاجروں سےاپیل کی کہ وہ دس دن کے لئے مال اٹھانا بند کردیں۔صرف وہ سامان خریدیں جسمیں 14 فیصد سیلز ٹیکس شامل نہ ہو۔
