بجلی کی قیمتوں میں اضافے پر لیگی رہنما اور سابق گورنر سندھ محمد زبیر بھی بول پڑے۔
آئی پی پیزکے معاملے پر سابق گورنر سندھ محمد زبیر نے ایکس پرپوسٹ کر ڈالی، لکھا موجودہ شکل میں آئی پی پیز غیر پائیدار ہوتی جا رہی ہیں، دوکھرب سے زائد کی صلاحیتی چارجز نے پاکستان کی معیشت کو تباہ کر دیا ہے۔
انکا مزید کہنا تھا کہ بجلی کے چارجز صنعت اور گھرانوں دونوں کے لیے ناقابل برداشت ہوتےجارہے ہیں اور حکومت اس سے بے خبر دکھائی دے رہی ہے، صرف قیمتیں بڑھا کر عوام پر بوجھ ڈال رہی ہے۔
