وزیرِاعظم محمد شہباز شریف نے کابینہ کمیٹی برائے خصوصی سرمایہ کاری سہولت کونسل کی تشکیل نو کردی۔ نائب وزیراعظم اسحاق ڈار، وزیر تجارت اور وزیر اطلاعات کو کابینہ کمیٹی کا رکن بنادیا گیا۔ اب کابینہ کمیٹی برائے ایس آئی ایف سی ارکان کی تعداد 12 سے بڑھ کر 15 ہوگئی ہے۔

وزیرِاعظم شہباز شریف کابینہ کمیٹی برائے ایس آئی ایف سی کے چیئرمین ہیں۔ کابینہ کمیٹی برائے ایس آئی ایف سی کے ارکان میں وزیرِخزانہ، وزیرِدفاع، وزیرِمنصوبہ بندی اور وزیرِ آئی ٹی بھی شامل ہیں۔

آرمی چیف، چاروں وزرائے اعلیٰ اور نیشنل کوآرڈی نیٹرز کو اجلاسوں میں خصوصی طور پر مدعو کیا جائے گا۔ وزیرِاعظم محمد شہباز شریف نے 27 مئی کو کابینہ کمیٹی برائے ایس آئی ایف سی تشکیل دی تھی۔