اینکر پرسن عائشہ جہانزیب کی جانب سے شوہر سے صلح کی خبروں کی تردید کردی گئی۔
عائشہ جہانزیب نے نجی ٹی وی کے پروگرام میں گفتگو کرتے ہوئے شوہر سے صلح کی تردید کی ہے۔
تشدد کیس : اینکر عائشہ جہانزیب کا شوہر جوڈیشل ریمانڈ پر جیل منتقل
رپورٹ کے مطابق عائشہ جہانزیب کا کہنا تھا کہ وہ عدالت میں تشدد کیس کی پیروی نہیں کرنا چاہتیں مگر وہ پیر کے روز شوہر کے خلاف عدالت میں خلع کی کیس دائر کریں گی۔
ان کا مزید کہنا تھا کہ وہ اپنے بچوں کو عدالت کا چکر نہیں لگوانا چاہتی ہیں اور بچوں کی کسٹڈی بھی ان کے پاس ہی رہے گی۔
کینٹ کچہری عدالت نے ملزم حارث علی کو جوڈیشل ریمانڈ پر جیل بھیج رکھا ہے جبکہ 10 جولائی کو عائشہ جہانزیب نے اپنے شوہر کے خلاف تھانہ سرور روڈ میں مقدمہ درج کروایا تھا۔
مقدمے کے مطابق شوہر نے تین سے چار مرتبہ تشدد کا نشانہ بنا کر زخمی کیا اور کنپٹی پر پستول رکھ کر دھمکیاں دیں، ساتھ ہی بچوں کو بھی تشدد کا نشانہ بنایا تھا۔
