گلوبل ٹی ٹوینٹی لیگ کینیڈا کی آئی سی سی سے منظوری نہ ملنے پر پی سی بی نے کپتان بابر اعظم، شاہین شاہ آفریدی اور محمد رضوان کے این او سی بھی روک دیے۔
ذرائع کے مطابق کینیڈا کی ٹی ٹوئنٹی لیگ کسی سیریز سے متصادم نہ ہونے کے باوجود تینوں کھلاڑیوں بابر اعظم، شاہین شاہ آفریدی اور محمد رضوان کو این او سی ملنے کا امکان نہیں ہے۔
پی سی بی کا مؤقف ہے کہ گلوبل ٹی ٹوئنٹی کینیڈا کو آئی سی سی کی جانب سے تاحال منظوری نہیں ملی، کئی معاملات کی وجہ سے آئی سی سی نے لیگ کی منظوری روکی ہوئی ہے۔
لیگ کی منظوری کے بعد کھلاڑیوں کے این او سی کا باقاعدہ فیصلہ ہو گا۔ اس کے علاوہ پی سی بی آل فارمیٹ پلیئرز کو مصروف انٹرنیشنل شیڈول کی وجہ سے این او سی دینے کے حق میں نہیں ہے۔
حال ہی میں نسیم شاہ کو بھی آل فارمیٹ پلیئر قرار دیکر انہیں دی ہنڈریڈ لیگ کیلئے این او سی نہیں دیا تھا۔۔ گلوبل ٹی ٹوئنٹی لیگ کینیڈا میں محمد عامر، محمد نواز، آصف علی اور افتخار احمد نے بھی مختلف ٹیموں کے ساتھ معاہدے کر رکھے ہیں۔
