کراچی میں ڈاکوؤں نے واردات کے لئے نئے حربے استعمال کرنا شروع کردیے گلشن اقبال 13 ڈی میں قانون نافذ کرنے والے ادارے کی وردی کا استعمال کرتے ہوئے ملزم کی واردات ایس ایس پی ایسٹ ڈاکٹر فرخ رضا کے مطابق واقعہ گلشن اقبال تھانے کی حدود میں ایک پکوان سینٹر پر پیش آیا۔
ایس ایس پی ایسٹ ڈاکٹر فرخ رضا کا کہنا ہے کہ گلشن اقبال پولیس نے پکوان سینٹر کے مالک کا بیان قلمبند کرلیا ، پولیس کے مطابق پکوان سینٹر کے مالک کے پاس 17 سے 18 لاکھ روپے کیش تھا۔
متاثرہ شہری کے بیان کے مطابق یونیفارم پہنا شخص اس ڈکیتی کی واردات کے بعد باہر لے گیا اور اپنے ساتھ گاڑی میں بٹھالیا گاڑی میں دو افراد سول کپڑوں میں پہلے سے ہی موجود تھے ملزمان نے کچھ دیر مختلف سڑکوں پر گھمانے پھرانے کے بعد مجھے چھوڑ دیا۔
پولیس کا کہنا ہے کہ واقعے سے فوری طور پر آگاہ کردیا گیا تھا لیکن شہری نے مقدمہ درج نہیں کرایا شہری کا بیان قلمبند کرکے مزید قانونی کارروائی کا آغاز کردیا گیا ہے پولیس حکام کہتے ہیں ممکنہ طور پر کوئی قریبی شخص ملوث ہوسکتا ہے۔
دوسری جانب قانون نافذ کرنے والے ادارے کی وردی پہن کر واردات کرنے کی ویڈیو سوشل میڈیا پر وائرل ہو رہی ہے اس حوالے سے ایس پی گلشن اقبال علیم بلو کو انکوائری کا حکم دیا ہے جلد واقعے میں ملوث ملزمان کی گرفتاری اور تحقیقات کی جائے گی۔
