جنوبی امریکی ملک پیرو میں مسافر بس 650 فٹ کی بلندی سے کھائی میں گرنے سے 28 افراد ہلاک ہوگئے۔

ابتدائی تفصیلات کے مطابق بس مسافروں کو دارالحکومت لیما سے جنوبی شہر آیاکوچو لے جارہی تھی کہ راستے میں توازن بگڑ گیا۔ حکام کے مطابق واقعہ مقامی وقت کے مطابق صبح 5 بجے پیش آیا اور واقعے کی اطلاع ملتے ہی سرچ اینڈ ریسکیو آپریشن شروع کیا گیا۔

حکام نے 29 افراد ہلاک ہونے کی تصدیق کی۔ انہوں نے بتایا کہ حادثے میں 13 افراد زخمی ہوئے ہیں جنہیں علاج کیلئے فوری اسپتال منتقل کیا گیا۔