سعودی عرب میں موجود ایک کویتی اسٹور کی جانب سے ’ٹرینڈی سینڈل‘ کے نام سے چپل فروخت کی جا رہی ہے جو دیکھنے میں تو سادہ سی چپل ہے مگر ان کی قیمت نے سب کو حیران کر دیا۔

بھارتی میڈیا رپورٹ کے مطابق کویتی اسٹور عام سی دکھائی دینے والی چپل 4500 ریال ( پاکستانی 3 لاکھ 34 ہزار سے زائد روپے) میں فروخت کر رہا ہے۔

جنت میں پلاٹ ملنے لگے، قیمت بھی بتا دی

اسٹور نے چپل فروخت کرنے کی ویڈیو فوٹو اینڈ ویڈیو شئیرنگ ایپ انساٹاگرام کے پیج کویت انسائیڈ پر شئیر کی اور جب یہ ویڈیو پاکستانی و بھارتی سوشل میڈیا صارفین کی نیوز فیڈ تک پہنچی تو انہوں نے چپل کی قیمت دیکھتے ہی دلچسپ تبصروں کے انبار لگا دئے۔

وائرل ویڈیو پر تبصرہ کرتے ہوئے بیشتر سوشل میڈیا صارفین کا یہی کہنا ہے کہ عام طور پر یہ چپل تو ہم گھروں میں استعمال کرتے ہیں۔

انسٹاگرام پر ایک صارف نے تبصرہ کرتے ہوئے کہا کہ ہم پوری زندگی ٹوائلٹ جانے کے لیے 4500 ریال کی چپل استعمال کرتے رہے ہیں۔ ہم ان چپلوں کو باتھ روم جانے کے لیے پہنتے ہیں۔ تاہم اس چپل کی قیمت صرف 60 روپے ہے۔