علاج کیلئے اسپتال جانے والا شخص لفٹ میں دو دن تک پھنسا رہا جسے دو دن بعد ریسکیو کر لیا گیا۔
بھارتی میڈیا رپورٹ کے مطابق 59 سالہ ریاست کیرالا کا رہائشی رویندرن نیئر ہفتے کے دن چیک اپ کرانے کی غرض سے اسپتال گیا جہاں وہ اسپتال کی لفٹ میں پھنس گیا اور 2 تک لفٹ میں ہی بند رہا جس کے بعد پیر کے روز لفٹ کو معمول کے مطابق چلانے کے بعد متاثرہ شخص کو ریسکیو کیا گیا۔
بھارتی پولیس کے مطابق انہوں نے متاثرہ شخص سے متعلق بتایا کہ رویندرن نیئر اسپتال کی لفٹ میں پہلے فلور پر گیا اور جب وہ لفٹ کے ذریعے نیچے آیا تو وہ بند ہی رہ گئی۔
پولیس نے بتایا کہ رویندرن نیئر کی گمشدگی پر اس کے اہلخانہ نے اسپتال عملے کے ساتھ پولیس میں رپورٹ بھی درج کرا دی تھی۔
پولیس کا مزید کہنا تھا کہ متاثرہ شخص کا موبائل فون بھی بند تھا۔ وہ دو دن تک لفٹ میں بند رہا اور پیر کو جب معمول کے مطابق لفٹ چلائی گئی تو اسے باہر نکالا گیا۔
