کراچی کے ریڈ زون میں غیرملکی مہمان کو کار سوار ملزمان نے تلاشی کے بہانے لوٹ لیا۔
واردات کراچی کے علاقے آرٹلری میدان کے نجی ہوٹل کے باہر کی گئی، فرانس سے آئے شہری کو سفید کار میں سوار افراد نے تلاشی کے بہانے روکا، ملزمان نے اپنا تعارف پولیس اہلکار کے طور پر کرایا۔
ملزمان نے ادریسی نامی فرانسیسی شہری کا پاسپورٹ اور بیگ چیک کرنے کے دوران 5 ہزار یورو چھینے اور فرار ہوگئے۔
کراچی : عدالت نے اسٹریٹ کرمنل کو سزائے موت سنا دی
غیر ملکی شہری مذہبی تقریبات میں شرکت کے لئے کراچی آیا تھا، متاثرہ غیر ملکی شہری نے ابھی تک مقدمہ درج نہیں کرایا۔
ملزمان کی گاڑی کی تصویر سامنے آگئی ہے۔
