ایوان صدرمیں صدرمملکت آصف زرداری سے وزیراعلی بلوچستان سرفرازبگٹی نے ملاقات کی ، ملاقات میں وزیرِاعلٰی نے صدرکوعوامی فلاح کیلئے صوبے میں جاری ترقیاتی منصوبوں پربریفنگ دی ۔
صدرمملکت نےصوبےکی ترقی وخوشحالی کیلئے منصوبوں کی جلد تکمیل پرزور دیتے ہوئے کہا کہ صوبے میں زراعت کے فروغ کیلئے وفاق کے تعاون سے کچّھی کینال کی جلد تکمیل ضروری ہے، صوبائی حکومت بلوچستان کی ترقی اور عوامی خوشحالی کیلئے موثر اقدامات اُٹھائے۔
صدرمملکت آصف زرداری نے صوبے میں جاری منصوبوں کیلئے صوبائی حکومت کے اقدامات پراطمینان کا اظہارکیا۔
